Sae

aisi raaten bhi kai guzri hain
jab teri yaad nahin aati hai

dard sine mein machalta hai magar
lab pe fariyaad nahin aati hai

har guna samne aa jata hai
jaise tarik chaTanon ki qatar

na koi hila-e-tesha-kari
na madawa-e-farar

aisi raaten bhi hain guzri mujh par
jab teri rahguzar mein sae

har jagah chaar taraf the chhae
to na thi teri tarah ke sae

sae hi sae the larzan larzan
kabhi aae kabhi bhage kabhi bhage kabhi aae

sae hi sae the teri rahguzar ke sae
aisi raaten bhi hain guzri mujh par

jab teri yaad nahin aati hai
lab pe fariyaad nahin aati hai