do aalam ki sayyahi mein
guzre hain nikhat nikhat
mere lab
ujle pistanon se
zer-e-naf
ghani raaton ke aiwanon se
bhigi bhigi khaal ki andhi raunaq se waqif hun main bhi
jismon se sailabi pech-o-KHam se ghis kar
lamha lamha jaan ganwai hai main ne bhi
jhag bana kar hasti apni
miTTi ke sapne dhota hun
tere KHaliyon ke halqon mein
ek shaffaf falak bota hun
tund-masamon ki aankhon mein
apne chehre ko khota hun
Nazm
Sabun
Riyaz Latif