pahli chiKH tawallud hone ki
charKHe se uljhi ammi ke baalon ki sapedi
honTon par larzan harf-e-shahadat
rit ke jhakkaD mein
bikharte titli ke rang
qabron mein girte amboh-e-kawakib
pichha karte hain!
us din
jhil ke aaine mein
apne jism ko dekha tha
ab har malbus mein
uryan hone ki lachaari hai
main KHud se hi
bhag raha hun
mujh ko roko zanjir karo
aadab-e-rah-o-manzil se
begana hota jata hun!
Nazm
Rustagari
Hamidi Kashmiri