sitare
ab numu ki aag maddham hoti jati hai
hawa mein nikhaton ki tazgi kam hoti jati hai
chamakte baghiyon ki jhag maddham hoti jati hai
sitare
KHak mein roidagi kam hoti jati hai
magar wo phul to yakta tha
un sare gulabon mein
usi ka aks tha
mere lahu mein mere KHwabon mein
sitare
ruh mein us ka nishan
ab kyun nahin milta
sitare
mere pahlu mein wo gul ab kyun nahin khilta
Nazm
Phul aur sitara
Shabbir Shahid