pahli baat hi aaKHiri thi
is se aage baDhi nahin
Dari hui koi bel thi jaise
pure ghar pe chaDhi nahin
Dar hi kya tha kah dene mein
khul kar baat jo dil mein thi
aas-pas koi aur nahin tha
sham thi nai mohabbat ki
ek jhijak si sath rahi kyun
qurb ki saat-e-hairan mein
had se aage baDhne ki
phail ke us tak jaane ki
us ke ghar par chaDhne ki
Nazm
Pahli baat hi aaKHiri thi
Muneer Niyazi