kabhi KHirad ki khuli dhup mein chala aaya
kabhi main ishq ke sae mein ja ke baiTh gaya
kabhi kitab khan kabhi sitare gine
haram mein dair mein girje mein har taraf DhunDa
tujhe sadaen lagain tujhe talash kiya
magar ai ruh kahin tu nazar nahin aai
main thak ke haar ke lauTa to kis tarah lauTa
ki apni jism ki sarhad pe aa gaya hun main
yahan se aaKHiri aawaz de raha hun tujhe
yahan ke baad faqat jism ki hukumat hai
yahan ke baad faqat jism ki hukumat hai
Nazm
Nirbhaya ki maut par
Muzaffar Abdali