Nazm

aao
shabnam ke pani mein jhanken

hawaon ke uDte hue narm jhonkon se khelen
fazaon mein bikhre hue KHwab DhunDen

jo bachpan mein hum se
zamane ne chhine the aur ahl-e-duniya ki chhat par

bikhere the!
logon se, rahon se

apni kitabon se puchhta tha KHwabon ki duniya kahan hai?
KHuda ko pukaren

jo har shai ke parde mein parda hai dekhen
wo kis kis ki sunta hai

KHwabon mein jhanken
ki KHwabon ke andar wo basti hai jo

KHush-nasibon ki basti hai, achchhe KHuda ke iradon ki basti hai
shayad wahin

apne bachpan ke chhine gae KHwab rahte hain hum se bichhaD kar
judai ke sadmon ko sahte hain