qasr-e-shahi se ye hukm sadir hua laDkane chalo
warna thane chalo
apne honTon ki KHushbu luTane chalo git gane chalo
warna thane chalo
muntazir hain tumhaare shikari wahan kaif ka hai saman
apne jalwaon se mahfil sajaane chalo muskurane chalo
warna thane chalo
hakimon ko bahut tum pasand aai ho zehn par chhai ho
jism ki lau se shamen jalane chalo, gham bhulane chalo
warna thane chalo
Nazm
Mumtaz
Habib Jalib