baiTh kar ek bar rikshe mein
phir na baiThega yar rikshe mein
aaj-kal ho raha hai zoron par
husn ka karobar rikshe mein
de hasinon ko car se tashbih
kar hamara shumar rikshe mein
aa raha hai mushaere ke liye
shaer-e-nam-dar rikshe mein
hai jahan do ka baiThna mushkil
ye biThate hain chaar rikshe mein
shah-rahon pe roz hote hain
hadse be-shumar rikshe mein
Nazm
Motor-rickshaw
Sarfaraz Shahid