Mohabbat ki ek nazm

meri zindagi mein bas ek kitab hai ek charagh hai
ek KHwab hai aur tum ho

ye kitab o KHwab ke darmiyan jo manzilen hain main chahta tha
tumhaare sath basar karun

yahi kul asasa-e-zindagi hai isi ko zad-e-safar karun
kisi aur samt nazar karun to meri dua mein asar na ho

mere dil ke jada-e-KHush-KHabar pe ba-juz tumhaare kabhi kisi ka guzar na ho
magar is tarah ki tumhein bhi us ki KHabar na ho