aur tanhai
so rahe the
tumhaara KHat aaya
ek bhaari panw
tanhai ke sine par paDa
chiKH paDi aur lipaT gai mujh se
us ki bahon ki
qaid mein
tumhaara KHat paDha
phir paDha
bar bar paDha
dil dhaDka
wo dekhti
to Dar jati
man mein shor sa uTha
wo sunti to
mar jati
main ne
us ka chehra takiye se chhupa liya
us ki aankh khuli KHafa hui
aur chali gai
subh hui
to
bistar par maujud thi
mere baghair
kidhar jaegi
kis ke yahan jaegi
tanhai
Nazm
Main
Shabnam Ashai