Main aur hum

ek paDosi ke ghar mein aag lagi
aur dhuan bhar gaya mere ghar mein

ek ham-sae ne jo ki fariyaad
gunj uTha dard qalb-e-muztar mein

mere dil ke paDos mein jaise
ab karoDon dilon ka maskan hai

main akela hun ya karoDon hun
ye jahan mere ghar ka aangan hai

muskuraata hai kaenat ka gham
meri aankhon mein Dal kar aankhen

dekhti hain karoDon aankhon mein
ek shab-e-tar ki sahar aankhen

mere dil ki wasia duniya mein
dard apna bhi hai paraya bhi

main ko jab ham bana liya main ne
KHud ko khoya bhi KHud ko paya bhi