wafa ke paiman sab bhula kar
jafaen karte wafa ke qatil
rasul-e-haq ke jo ummati hain
wahi hain aal-e-eba ke qatil
ye us ki apni hi maslahat hai
wo jism rakhta nahin hai warna
ye mansabon ke ghasab ke aadi
zarur hote KHuda ke qatil
na hi amanat na hi diyanat
na hi sadaqat na hi sharafat
nabi ke mimbar par aa gae hain
nabi ki har ek ada ke qatil
imam jin ka yazid hoga
wo kaise jaanen husain kya hai
bane bhi hain qari la-ilah ke
ye la-ilah ki baqa ke qatil
ye mansabon ke ghasab ke aadi
zarur hote KHuda ke qatil
Nazm
KHuda ke qatil
Josh Malihabadi