usi parche mein KHabar hai meri ruswai ki
jis mein taswir chhapi hai teri angDai ki
kaise kah dun ki main leader bhi hun aur loTa bhi
baat sachchi hai magar baat hai ruswai ki
mere afsane sunati hai mohalle bhar ko
ek yahi baat hai achchhi meri ham-sai ki
do adad wideo filmon mein guzar jati hai
sirf itni hai tawalat shab-e-tanhai ki
aise milta hai chunariya se hairband ka rang
jis tarah suiT se matching hai meri tie ki
Nazm
KHabar hai meri ruswai ki
Sarfaraz Shahid