Kabhi kabhi

kabhi kabhi to yun mahsus hua karta hai
jaise lafz ke sare rishte be-mani hain

lagti hai kanon ko aksar
KHamoshi aawaz ke sannaTe se behtar

sada kaghaz
likhe hue kaghaz se achchha lagta hai

KHwabida lafzon ko aaKHir
jagti aankhon ki taswir dikhaen kaise

palkon par aawaz sajaen kaise
kabhi kabhi yun lagta hai jaise tum meri nazmen ho

jin ko paDh kar kabhi kabhi mein yun bhi sachcha karta hun
lafzon ke rishte be-mani hote hain

lafz kahan jazbon ke sani hote hain