Judai

nigar-e-sham-e-gham main tujh se ruKHsat hone aaya hun
gale mil le ki yun milne ki naubat phir na aaegi

sar-e-rahe jo hum donon kahin mil bhi gae to kya
ye lamhe phir na lauTenge ye saat phir na aaegi

jaras ki naghmagi aawaz-e-matam hoti jati hai
ghazab ki tirgi hai rasta dekha nahin jata

ye maujon ka talatum ye bhare dariya ki tughyani
zara si der mein ye dhaDkanen bhi Dub jaengi

meri aaankhon tak aa pahuncha hai ab bahta hua pani
teri aawaz maddham aur maddham hoti jati hai