main kya likhun ki jo mera tumhaara rishta hai
wo aashiqi ki zaban mein kahin bhi darj nahin
likha gaya hai bahut lutf-e-wasl o dard-e-firaq
magar ye kaifiyat apni raqam nahin hai kahin
ye apna ishq-e-ham-aghosh jis mein hijr o visal
ye apna dard ki hai kab se hamdam-e-mah-o-sal
is ishq-e-KHas ko har ek se chhupae hue
guzar gaya hai zamana gale lagae hue
Nazm
Jo mera tumhaara rishta hai
Faiz Ahmad Faiz