dayar-e-ishq mein apna maqam paida kar
naya zamana nae subh o sham paida kar
KHuda agar dil-e-fitrat-shanas de tujh ko
sukut-e-lala-o-gul se kalam paida kar
uTha na shishagaran-e-farang ke ehsan
sifal-e-hind se mina o jam paida kar
main shaKH-e-tak hun meri ghazal hai mera samar
mere samar se mai-e-lala-fam paida kar
mera tariq amiri nahin faqiri hai
KHudi na bech gharibi mein nam paida kar
Nazm
Jawed ke nam
Allama Iqbal