Hudud ka daera

shajar hajar hun ki insan hun ya sitare hun
sabhi hudud ke ek daere mein rahte hain

ye kaenat zaman o makan ki qaid mein hai
har ek shai hai uruj o zawal ki paband

har ek manzil-e-aKHir hai manzil-e-awwal
jahan se ek nai manzil ki justuju mein sabhi

haqiqaton ko taKHayyul ka rang dete hain
safar mein ruk nahin sakte qadam musafir ke

zamin bhi ghumti hai raste bhi chalte hain
har ek ufuq pe zamin aasman se milti hai

ghaDi chale na chale waqt to guzarta hai