Harf-e-muqaddar

jamhuriyat jamhuriyat jamhuriyat
ek wahshat-nak haqiqat

jahan aazadi ho KHun chusne ki
jahan baDi bebaki se ek jhuT dusre jhuT se muqabla kar sake

jahan badi badi ke muqabil ho
jahan yazid ke samne koi husain na ho

jahan yazid ke samne koi husain na ho
jahan kaleja chabane ki puri aazadi ho

jahan azab-e-ilahi ko bhi jamhuriyat tasawwur kiya jata ho
hum aisi tabah-shuda basti ke basi hain