Hamdard

ai dil un aankhon par na ja
jin mein wafur-e-ranj se

kuchh der ko tere liye
aansu agar lahra gae

ye chand lamhon ki chamak
jo tujh ko pagal kar gai

in jugnuon ke nur se
chamki hai kab wo zindagi

jis ke muqaddar mein rahi
subh-e-talab se tirgi

kis soch mein gum-sum hai tu
ai be-KHabar nadan na ban

teri fasurda ruh ko
chahat ke kanTon ki talab

aur us ke daman mein faqat
hamdardiyon ke phul hain