main ne race mein ek ghoDe par hazar rupe lagae
aur haar gaya
main ne apne beTe ko wo sab kuchh diya jo de sakta tha
sari aasaishen tark kar ke
lekin bhul gaya
use apni zindagi jina hai
manzar badalte rahe
phir wo aa gai
aur bhi log aae
lekin har shaKHs ke sath us ke apne sae the
aur jab sare sae ruKHsat hue
to main ne musalla bichhaya
ya allah
ye meri aaKHiri bazi!
Nazm
Haar jit
Mushaf Iqbal Tausifi