Gumbadon ke darmiyan

KHwahishen diwar-e-girya par KHushi ke git hain
raste achchhe dinon ke KHwab hain

lekin hamesha manzilon se dur rahte hain
lakiren daeron mein qaid hain

chalte raho!
regzaron ke safar ka ant pani hai

sarabon ke taaqub mein kabhi niklo
to aankhon ke samundar sath rakhna

kanch KHamoshi ke jangal se kabhi guzro
to aawazon ke patthar sath rakhna!

gumbadon ke darmiyan rahte hue
dar sath rakhna!!