main
kabhi nahin jaan saka
gali
jazbe ki kaun si sath hai
main ne kabhi gali nahin di
magar mujhe hamesha
galiyon se dilchaspi rahi
main har rose
har tarah ki galiyan sunta hun
gali kisi ko bhi di jae
uslub mein aurat zarur aati hai
meri sari zindagi
lafzon ke darmiyan guzri
mujhe hamesha lafz nazar aate hain
gali
lafzon ki ek tartib ke siwa kuchh bhi nahin
main
gali de kar
aam aadmi ki tarah
zinda rahna chahta hun
ek tartib
mujhe aam aadmi banne nahin deti
Nazm
Gali
mustafa arbab