Fana ki anjuman se

baDi ghuTan hai
sawal-e-hasti to hanpte hain

nazar ki uryaniyan mili hain
kise kahun ki

ye mere jazbon ka basi-pan hai
baDi ghuTan hai

jo sar-ba-kaf the,
gire paDe hain

jo gul-shafaq the,
wo naliyon se ubal rahe hain

kisi jahannam ki si jalan hai
baDi ghuTan hai

koi to rauzan
koi daricha

kahin daraDon se koi rasta
fana ki lamhon ki anjuman se

baDi ghuTan hai