Ek cancer ke mariz ki baD-baD

gale par laga kar nishan
jis ghaDi doctor ne ye mujh se kaha

aur to sare parhez KHatm aap ke aaj se
shawe mat kijiyega

jab talak ye gale ki sekai chale
shawe mat kijiyega

to sari mashiyyat KHuda ki samajh mein mere aa gai
are

mujh ko daDhi se inkar kab tha jo ye ruKH nikala gaya
main to KHud shawe ke nam se

yun bidakta raha aaj tak jaise pani se billi
han meri sas ko kuchh zarur etaraazat the

jin ki izzat ki KHatir
main daDhi nahin rakh saka

magar un ko bhi main
agar waqt milta to samjha hi leta

KHair
ab to jo hona tha ho hi gaya

yun bhi kis ko bhala koi mauqa mila hai KHuda ke huzur
baat rakhne ki apni

to ye baat hai
yani main

shakl se pakka sachcha musalman na lagne ke shak mein gaya