main tujh se kyun KHafa hone laga qazi
meri to ruh tu ne pak kar di ye saza de kar
kabhi main sochta bhi jurm ko apne
to ab shayad na sochunga
han
bura gar man sakta hai
to mera dusra ye hath
jis ka ek hi sathi tha is duniya mein
jo kuhni se tu ne kaT Dala
aur ye apne yar ka gham
kis qadar
aur kis tarah leta hai dil par
is ka mujhe koi andaza nahin hai
Nazm
Dusre hath ka dukh
Shariq Kaifi