(KHud-kalami)
tum jhuT aur sach ke dorahe par the
guzarte lamhon ki aawaz ne tum se puchha
kya tum sach ki rah par chal sakte ho
tum chup hi rahe
guzarte lamhon ki aawaz ne tum se puchha
kya tum jhuT ki rah pe chal sakte ho
tum chup hi rahe
aur han ke sare lamhe guzar gae
tum jaante ho han kahne ke to sare lamhe guzar gae
ab jhuT aur sach ke dorahe par yun khaDe hue
nahin ke lamhon ko be-kar ganwate kyun ho
Nazm
Doraha
Sahar Ansari