Dawam ke dayar mein

dawam ke dayar mein
dawam ke qadim reg-zar mein

adam jahan sarab hai
tere mere kai nishan taDap taDap ke mar gae!

ek ajnabi si KHak par kai zaman bikhar gae
is ajnabi si KHak par

sab apni apni sans ko sameT kar nikal paDe
alil si najat mein phir apni ruh phunkne

najat ek fareb hai
ye dasht intizar mein

dawam ke qadim reg-zar mein
jihat ka ek mazar hai

ki jis ke gumbadon ke honT par yahi pukar hai
najat ek fareb hai

najat ka hisar kya?
dawam apni maut hai

dawam se farar kya?