charwaha KHwab dekhta hai
us ki ek bheD gum ho gai
sirf unchas bheDen baqi hain
charwaha KHwab dekhta hai
us ki tin bheDen zaKHmi hain
sirf chhiyalis baqi hain
charwaha KHwab dekhta hai
bheDiye ne us ke gale par hamla kar diya
bhagti muntashir hoti bheDon mein se pichhe rah jaane wali ek bhiD aur kam ho gai
pachas KHauf-zada bheDen dekhti hain
soe hue charwahe ko bheDiya ghasiT kar le ja raha hai
Nazm
Charwahe ka KHwab
Saeeduddin