Bashaarat

bahut dinon baad
jab kabhi

man se milta hun
to baaton hi baaton mein

akasr puchh leti hai
namaz paDhte ho

juma ki hi sahi
ya phir

id ki
ur mein

hilon bahanon ke pech
jannat ki ghabrai aankhon mein

dozaKH ki
madum jhalak dekh

muskuraata hun
ki kaise

tamam mamtaon ko sameT
us ki be-awaz

dua
meri muhafiz ban jati hai

sambhaal kar rakha
mera masum bachpan

pesh kar deti hai
ghazab ilahi ke aage

aur main
baKHshish diya jata hun

jaane kitni bar
wo

firdaus de chuki hai mujhe