Banjar zamin ka KHwab

kai sadiyon se sahra ki sulagti ret par tanha khaDi main sochti hun
nahin koi nahin hai

nahin koi nahin hai jo mere andar bilakti KHamushi ko thapkiyan de kar sula Dale
mohabbat ok mein bhar kar pila Dale

ye kaisi be-niyazi hai
ki jalti eDiyon ki siskiyan san kar bhi baadal chup raha hai

ye kaise rat-jage aankhon mein utre hain
ki jin ke silsile qarnon pe phaile hain

magar main hijr ke mausam liye
kab se

kisi banjar zamin ke KHwab ka tawan bharti hun