Bazar

ek majbur ka tan bikta hai man bikta hai
in dukanon mein sharafat ka chalan bikta hai

sauda hota hai andheron mein gunahon ka yahan
zindagi nam hai hansti hui aahon ka yahan

zinda lashon ke liye surKH kafan bikta hai
jhuTi ulfat ke ishaaron pe wafa raqs kare

chand sikkon ke chhanake pe haya raqs kare
husn-e-masum ka be-saKHta-pan bikta hai

bech kar apna lahu aag kamai jae
aabru qaum ki sijon pe luTai jae

sar-e-bazar-e-hawas pyar ka fan bikta hai