ye manhus barish
jawan-sal gehun ke danon ko
kichaD ka hissa banane
mere ganw mein har baras ki tarah
aaj phir aa gai hai
wo gehun ke KHoshe jo khaliyan mein
dhup ke dewta ki ibaadat mein
masruf the
un ko barish ne aaghosh mein le liya hai
har ek khet mein kitna pani bhara hai
bhuk apni miTa kar
ye barish chali jaegi
aur sab khet KHali ke KHali rahenge
main ne barish ke chehre pe likkha har ek waqia
paDh liya hai
Nazm
Barish ki nazm
Asad Badayuni