barish hoti hai to pani ko bhi lag jate hain panw
dar-o-diwar se Takra ke guzarta hai gali se
aur uchhalta hai chhapakon mein
kisi match mein jite hue laDkon ki tarah
jit kar aate hain jab match gali ke laDke
jute pahne hue canwas ke uchhalte hue gendon ki tarah
dar-o-diwar se Takra ke guzarte hain
wo pani ke chhapakon ki tarah
Nazm
Barish hoti hai to pani ko bhi lag jate hain panw
Gulzar