meri duniya bahut tezi se KHali ho rahi hai
ajab mushkil hai meri
kisi ki aankh mein hai kaun sa chehra mera ye bhul jata hun
magar ilzam dena hafize ko bhi ghalat hoga
ye mumkin hi nahin hai
koi apne sare chehre yaad rakh pae
natija ye
ki har jate hue lamhe ke ham-rah
meri tanhai baDhti ja rahi hai
main apna ek chehra bhulta hun
aur talluq KHatm ho jata hai koi
Nazm
Ajab mushkil hai meri
Shariq Kaifi