AaKHiri lafz pahli aawaz

kin harfon mein jaan hai meri
kin lafzon par dam niklega

soch raha hun
abjad sari yaad hai mujh ko

lekin is se kya hota hai
ab to kisi bhi harf ka chehra yun lagta hai

jaise wo aawaz ho us pahle insan ki
jo KHud ko sayon ke jahan mein tanha pa kar chiKH paDa ho

aur us ki aawaz gale mein ghuT kar
kuchh nikli

aur is se pahle ki kuchh nikle
nam bane

sannaTe mein Dub gai ho