mujhe yaad paDta hai ek umr guzri
lagawaT ki shabnam mein lahja Dubo kar
koi mujh ko aawaz deta tha aksar
bulawe ki masumiyat ke sahaare
main aahista aahista pahuncha yahan tak
ba-har samt amboh-e-awar-gan tha
baDe chao se main ne ek ek se puchha
kaho kya tum hi ne pukara tha mujh ko
kaho kya tum hi ne pukara tha mujh ko
magar mujh se amboh-e-awar-gan ne
hirasan hirasan pareshan pareshan
kaha sirf itna nahin wo nahin hum
hamein bhi bula kar koi chhup gaya hai
Nazm
Aab o gil
Shaz Tamkanat