Nazm

gunjte garajte hue raste par ek aurat
ghar ki qaid se bhagi hui aurat

gard se aTi hui
thaki hui aur Dagmagati hui

udas aur pareshan
duniya ke ajnabi aur be-rahm raste par

ek aurat
mazi se nalan aur bezar

mustaqbil se be-KHabar
haal ke jangal mein akeli

ek aurat
har taraf logon ke hujum

har taraf shor hi shor
lekin us ke andar KHamoshi hai

gunjta garajta hua sannaTa
wo aurat kahan jaegi

kya wo Dar jaegi