zindagi se thaki thaki ho kya
tum bhi be-wajh ji rahi ho kya
dekh kar tum ko khilne lagte hain
tum gulon se bhi bolti ho kya
is qadar jo saji hui ho tum
meri KHatir saji hui ho kya
main to murjha gaya hun ab ke baras
tum kahin ab bhi khil rahi ho kya
aaj ye sham bhigti kyun hai
tum kahin chhup ke ro rahi ho kya
us ki KHushbu nahin rahi waisi
shahr se apne ja chuki ho kya
Ghazal
Zindagi se thaki thaki ho kya
Zia Zameer