zindagi se ek din mausam KHafa ho jaenge
rang-e-gul aur bu-e-gul donon hawa ho jaenge
aankh se aansu nikal jaenge aur Tahni se phul
waqt badlega to sab qaidi riha ho jaenge
phul se KHushbu bichhaD jaegi suraj se kiran
sal se din waqt se lamhe juda ho jaenge
kitne pur-ummid kitne KHub-surat hain ye log
kya ye sab bazu ye sab chehre fana ho jaenge
Ghazal
Zindagi se ek din mausam KHafa ho jaenge
Ahmad Mushtaq