zindagi pane ki hasrat hai to marta kyun hai
shahr-e-mamnua se ho kar wo guzarta kyun hai
jab bhi amrit ki koi bund zaban par Tapki
ek ajab zahar sa rag rag mein utarta kyun hai
chhu ke har shai ko guzar jata hai wo sail-e-bala
mere be-nam jazire mein Thaharta kyun hai
hum ko malum hai lamhat ka hasil bhi 'shoeb'
dil magar Dub ke har lamha ubharta kyun hai
Ghazal
Zindagi pane ki hasrat hai to marta kyun hai
Shahid Ahmad Shoaib