zamin walon ki basti mein sukunat chahti hai
meri fitrat sitaron se ijazat chahti hai
ajab Thahrao paida ho raha hai roz o shab mein
meri wahshat koi taza aziyyat chahti hai
main tujh ko likhte likhte thak chuka hun meri duniya
meri tahrir ab thoDi si fursat chahti hai
udhar munh-zor maujen dandanati phir rahi hain
magar ek naw dariya se baghawat chahti hai
Ghazal
Zamin walon ki basti mein sukunat chahti hai
Ahmad Ashfaq