zamin se shukr o shikayat hai aasman se nahin
ki hum yahin se hain jo kuchh bhi hain wahan se nahin
bas ek saya sa phirta hai dil mein aawara
hamare gham ka koi silsila fughan se nahin
sawal-e-shola-e-nok-e-zaban hai kya kahiye
kahan se aae hain hum log aur kahan se nahin
rawish mein charKH tapish mein zamin dihish mein sahab
ye musht-e-KHak kisi tera KHak-dan se nahin
hunar hai masti-e-jaan raunaq-e-dukan kyun ho
ayar-e-masti-e-jaan raunaq-e-dukan se nahin
mera nasab hai meri zat-e-pak se zahir
sharafat-e-nasabi naubat o nishan se nahin
Ghazal
Zamin se shukr o shikayat hai aasman se nahin
Khurshid-ul-islam