zamin ko aasman likkha gaya hai
yaqinon ko guman likkha gaya hai
jo kahna tha kabhi munh se na nikla
jo likhna tha kahan likkha gaya hai
udasi ka qasida is baras bhi
sar-e-diwar-e-jaan likkha gaya hai
charaghon ko hawaon ka payambar
KHamoshi ko zaban likkha gaya hai
mere lafzon se itni barhami kyun
bahut kuchh raegan likkha gaya hai
Ghazal
Zamin ko aasman likkha gaya hai
Asad Badayuni