zaKHmon ko kureda hai to mazi nikal aaya
sukhe hue dariyaon se pani nikal aaya
us shaKHs ko paDhne mein baDi chuk hui thi
wo dost tha jo dushman-e-jaani nikal aaya
tishna the bahut dhup mein bhige hue manzar
kal raat to suraj se hi pani nikal aaya
jo shaKHs nahin jaanta islam ke mani
hairat hai ki islam ka dai nikal aaya
go us ne ghazal apne buDhape mein kahi hai
ghazlon mein magar rang-e-jawani nikal aaya
Ghazal
ZaKHmon ko kureda hai to mazi nikal aaya
Nadeem Mahir