zaKHm risne laga hai phir shayad
yaad us ne kiya hai phir shayad
siskiyan gunjti hain kanon mein
ghar kisi ka jala hai phir shayad
hasil-e-umr kya yahi kuchh hai
ye abhi sochna hai phir shayad
dar-e-zindan pe phir hui dastak
koi dard-ashna hai phir shayad
phir parinde uDe hain shaKHon se
ek dhamaka hua hai phir shayad
muskuraate hain dekh dekh ke log
imtihan-e-wafa hai phir shayad
Ghazal
ZaKHm risne laga hai phir shayad
Khalid Sharif