yun qaid hum hue ki hawa ko taras gae
apne hi kan apni sada ko taras gae
the kya ajib log ki jine ke shauq mein
aab-e-hayat pi ke hawa ko taras gae
kuchh rose ke liye jo kiya hum ne tark shahr
bashindagan-e-shahr jafa ko taras gae
murda adab ko di hai nai zindagi magar
bimar KHud paDe to dawa ko taras gae
KHali jo apna jism lahu se hua 'qamar'
kitne hi hath rang-e-hina ko taras gae
Ghazal
Yun qaid hum hue ki hawa ko taras gae
Qamar Iqbal