Yun mujh pe jafa hazar kijo

yun mujh pe jafa hazar kijo
par ghair ko to na pyar kijo

karte ho tum wafa ki baaten
par hum se Tuk aankhen chaar kijo

aajaiyo yar ghar se jaldi
mat kushta-e-intizar kijo

qasdan to kahan pa bhule hi se
idhar bhi kabhu guzar kijo

koi baat hai tujh se dil phire ka
is ko to mat e'tibar kijo

'bedar' tu is jahan mein aa kar
jo chahe so mere yar kijo

par jis se gire kisu ke dil se
wo kaam na iKHtiyar kijo