yun lagta hai sab kuchh khone aaya tha
main is ghar mein tujh ko rone aaya tha
tu mere hamrah to aaya tha lekin
tanhai ke kanTe bone aaya tha
main us ke didar se kab sairab hua
wo to bas daman ko bhigone aaya tha
main takta tha us ko pyase honTon se
baadal meri naw Dubone aaya tha
gahri nind se mujh ko jaga kar chhoD gaya
KHwab meri aankhon mein sone aaya tha
Ghazal
Yun lagta hai sab kuchh khone aaya tha
Mughni Tabassum